 |
Mit glainem Kultuurdail So erschyynt sy uns dääglig S Uffträtte schrill S Formaat eher klääglig Sy macht is vyyl Soorge ganz unmittelbaari Jä, so isch sy halt … Die Zanolaari
D Angelika erbt – do wird si seer froo syy Non e zwaiti Berigge uss em Noochlass vom Mosi |
|
 |
Will d BVB d Pryyse saftig erheet blatze d Billje Automaate scho fascht uss de Neet Und wie son e Kaschte muesch demontiere Sinn sy z Rumäänie agääblig scho hart am Trainiere
E mänge Banggomaat wird ganz zitterig Heert äär s Stichwoort „Oschterwyterig“ |
|
 |
Mit der Hand uff der Biible und sym Grinse, dämm schreege Gseesch der Texas Dschoordsch sy Aid ableege Dasch s erscht Mool in vier Joor, mir machen e Wett das dä Pflogg iberhaupt e Buech aglängt hett
Im Cheney sinn vier Joor ainerlai: D Aerzt gänn em nämmlig nur no zwai |
|
 |
Der Phaabscht hett im Berlusconi gschriibe: „Dy Rauchverbott, Silvio, isch stargg iberdriibe“ Der Silvio maint: „Babbe, dä Doon kasch der schängge Sunscht gits non e Buess firs Weyrauchschwängge“
Statt Urbi et Orbi, so hämmer erfaare rechlet är jetzt "Fumare non fumare" |
|
 |
Der Charles drampt im Härry krefftig uff d Flosse Är haig mit sym Goschdyym der Voogel abgschosse Do muult der glai Härry: „Jä, läääägg, bin ych froo Zerscht han y no wellen als Blocher goo“
Me wott der Prinz Härry uffs Hertischte strooffe: Zeen butze, Bydschaama… und ab, go schlooffe |
|
 |
Uff em Claraboschte herrscht Alaarmstuefe root Will im Glaibasel e Boeing uff Singgfluug goot E Schugger schiggt hässig e Funggspruch loos: „Dasch kai Landebaan, hösch: dasch d Clarastrooss !“
Wenn s ganz ruig isch und kai Veegeli zirbbt Denn gheersch, wie der näggschti Laade stirbt |
|
 |
Mi Frau isch e Mélange de Promenade go kaufe Son e schygge, modärne, wo de vyyl muesch go laufe Aer isch lutt und losst Wasser an allne Stelle Und denn nennt sy das Vyych au no Passerelle
Apropos Passerelle: Do letschti macht ain vo der Stäägen e Salto Dä Duubel het gmaint, är syg scho im Rialto |
|
 |
Der Behring rächnets uns alle voor Und macht Beersebrognoose uff zääduusig Joor Nur zääduusig Joor? …Jä, do kann er jo hoffe Bis denn sygy au syny Haftzyt abgloffe
In zääduusig Joor lauft Gott sei Dangg Au die letscht Episoode vo Lüthi & Blangg |
|
 |
An der Tour de France – mir hänn halt zerscht dänggt dasch perfäggt Hämmer s Phonak Team mit frisch gmachte Bluetwirscht verpfläggt Und kurz druff aabe – also Si, dasch verkeert Wird der Camenzind brombt wäge Bluetdoping gspeert
E freiluft Speggdaggel mit Drooge im Ranze Haisst hit nimme Woodstock – sondern Tuur dö Franze |
|
|
OLYMPIA EPILOOG
(gsunge zer Melodyy „Aggropolis Adieu“)
Mir baide sinn erwartigsfroo z Atheen am Centercourt aakoo do losst sich doch dä Glunggi Fe-de-rer Vom Wältrang 118 schloo
Refrain:
Aggropolis, adieu, mir wänn hai Als Schwyzer schifft der doch hit jeeeeeeede nur ans Bai Der Rodscher wäär gärn bli-i-be Aggropolis, adieu
Au d Lyychtathleete laischte vyyl gänn sich dynaamisch und agyyl Die andre sinn scho lang am Dü-sche-le do schleppt der Buecher sich ins Zyyl
Refrain:
Aggropolis, adieu, s isch so schwäär wenn doch die Konkurränz vom Uuuuuuussland nur nit wäär Mir luege lieber Schwi-i-nge Aggropolis, adieu
Und d Rigamonti, s isch nit toll Kunnt by de Schwimmer nit uffs Soll Denn scho nach fünfezwanzig Me-e-ter Suggt sich dä Schwumm mit Wasser voll
Refrain:
Aggropolis, adieu, so goots nit Uff Peking nämme mir nimm jeeeeeeedi Aente mit Velicht no ai, zwai Fä-ä-chter Aggropolis, adieu
…Syrtaki Zwischemelodyy:
Aggropolis, adieu, jetzt isch Schluss Agääblig stoot der näggschti Schniiiiiiitzelbangg scho duss Mir wääre gärn no bli-i-be Aggropolis, adieu
Aggropolis, adiöööööööööööööööööööööööööööö |
|