Im Blocher sy Schnuure
Vom Couchepin der Knolle
Vom Moritz die schlächt Luune
Im Schmid sy Späggrolle
Vo Merz und Deiss Fuessschwaiss
Wie d‘Calmy-Rey d’Hoor
So stelle mir uns das SARS Virus vor 

Der Couchepin läänt sich zrugg und kicheret:
(gwältschelet) „‘aup‘sach, isch bi digg versischeret“
 

Wo si der Saddam us emme Schnooggeloch zien
und syni Underschlyych drey Mool mit Persyyl wäsche dien
Do zersteere doch die dummen Affe
no die letschti Massevernichtigswaffe 

„S’greeschte Schlitzoor hänn der nooni“,
frait sich doo der Berluscooni
 

Ameerikaa fyylt sich moraalisch verletzt
will d’Frau Jackson ai Schoppe in d’Kammera schletzt
Au s’Wysse Huus zaigt sich sichtlich schoggiert:
Also daas wäär im Iraaq Grieg nit basiert

 Der Rumsfäld sait zer Condy Rice:
„Das Glitzerstäärnli macht mi haiss“
 

My Goldfisch Joggeli doo im Glaas
isch nit der schlauscht, aber wisse si was ?
Ai Hirni isch no wunziger
daas vo der Michelle Hunziker 

In sym Goldfischglaas ganz hinde
wott der Joggeli der Nemo finde
 

My Frau het s’letscht Joor ums Verwoorge
en Eleggtromixer miesse bsoorge
Si steggt en yy  - e Blitz, e Funggle...
und ganz Ytalie hoggt im Dunggle 

z'Palermo rieft no son en Arsch:
(ytaliäänisch) "Morgestraik-e, vorwärts, Marsch !"
 

Der Cuche ka in Garmisch goldig brilliere
do goot em der Frehsner go gratuliere
 “Also Didier, ganz ehrlich, i find des soo scheen,
sonscht fahrsch doch immer in Slo Mooscheen“ 

Und d’Daame dien sich wyter waigere,
uff EBAY iiri Schyy z’verstaigere
 

Es muess de Richter z’Parma glinge
gäld-gaili Sei zem Singe z’bringe
Als Voorbild dient, in gwiisser Wyys,
im Oschpeli sy Schnaabelbryys 

Gäll, Schwyzer Karli, darfsch’s nit versuume
sunscht muesch am Määntig s’Byyroo ruume
 

Der Schröder hofft uffs Bäärner Wunder
denn liefi d’Wirtschaft wider runder
Doch zeerscht wird d’Depression no schlimmer
der Schawinski suecht z’Berlin e Zimmer

 S’isch Ooschtere und Hailig Oobe
der Schawinski bloggt jetzt äntlig d’Schwoobe
 

D’Anita Fetz duet’s hyffig wooge

Sachverhalt gscheit z’hinterfrooge
Der Schild, dä froggt sich nur ai Ding:
drait das Kätzli ächtsch e String ?

 My Alti losst die Moode kalt
es ziet’re jede Slip in Spalt